Ekspertlar xulosasi: Husanov va boshqalarning o‘yini tahlili

O‘zbekiston milliy terma jamoasi himoyachisi Abduqodir Husanov to‘p tepayotgan “Manchester Siti” Angliya Liga kubogi — Karabao kubogi finalida bosh sovrin uchun kurashadigan bo‘ldi. “Shaharliklar” yarim finalda “Nyukasl” bilan ikki o‘yinli to‘qnashuvda to‘liq ustun keldi: umumiy 5:1 hisobidagi g‘alaba final yo'lini ochdi.

Javob o‘yinida Umar Marmush haqiqiy “portlash” qildi va dublga erishdi. Eng muhimi — hamyurtimiz Husanov uchrashuvni to‘liq o‘tkazdi. Nufuzli cityxtra.co.uk eksperti jamoa futbolchilarining harakatlarini quyidagicha baholadi:

Futbolchilar reytingi:

Umar Marmush — O'yin yulduzi, dubl sohibi 8.5

Tijani Reynders — "Siti" libosidagi eng yaxshi o'yini 7.5

Jeyms Trafford — Muhim seyvlar muallifi 7.0

Antuan Semeno — Pressing bo'yicha ideal harakatlar 7.0

Rayan Ayt-Nuri — Eng samarali chap qanot himoyachisi 6.5

Abduqodir Husanov — Mustahkam himoya va yuqori tezlik 6.0

Erling Xoland — Zaxiradan tushib o'yinga ijobiy ta'sir 6.0

Fil Foden — Pressingda faol, ammo xatolarga yo'l qo'ydi 5.5

Mateush Nunesh — Keraksiz sariq kartochka va sustlik 5.0

Natan Ake — Ishonchsiz o'yin sabab tanaffusda almashtirildi 5.0

Husanovning o'yini haqida tahlil

Ekspertlar unda ikkinchi taymda ayrim xatolar bo‘lganini yashirmadi, lekin umumiy bahoda Husanov himoyada yetarlicha mustahkam harakat qilgani qayd etildi. Ayniqsa, uning tezligi bir necha vaziyatlarda “o‘chirgich” bo‘lib ishladi — xavfni vaqtida yopdi.

Gvardiol va Diashning jarohatlari fonida aynan ko'proq o‘yin amaliyoti hisobiga Abduqodirning individual mahorati va ishonch darajasi sezilarli o‘sgani alohida urg‘ulab o‘tildi.

Ma'lumotlar zamin.uz nashridan olindi.

Futbolchilar reytingi:

Husanovning o'yini haqida tahlil

Sport tahlillari