Abduqodir Husanov — "Manchester Siti"da yanvar oyining eng yaxshi futbolchisi! 🏆

«Manchester Siti» rasmiy sayti yana bir yoqimli an’anani ishga tushirdi: klub bo‘ylab sochilib ketgan muxlislar ovozi orqali oyning eng yaxshi o‘yinchisi tanlanadi. Bu galgi so'rovnomada hamyurtimiz Abduqodir Husanov mutloq g'oliblikni qo'lga kiritdi.

2026-yilning birinchi oyi "Siti" uchun haqiqatan ham zich o‘tdi: to‘rtta turnir, to‘qqizta o‘yin, har hafta alohida bosim, har bahsda boshqa ssenariy. Shunday jadvalda ko‘zga tashlanish — oson ish emas. Ammo aynan shu davrda uch futbolchi alohida ajralib turdi: Abduqodir Husanov, Bernardu Silva va Janluiji Donnarumma.

💎 Ishonch va Barqarorlik mevasini bermoqda

Bu tanlovda eng yoqimli jihat — Husanovning ishonchi. Unga imkoniyat berilsa, o‘zini ko‘rsatishini amalda isbotlayapti: tezlik bor, jismoniy tayyorgarlik bor, eng muhimi — maydonda “men bu yerda borman” degan qat’iyat bor.

Qolaversa, bu Husanov uchun “Siti”ga o‘tganidan beri ikkinchi marta oy futbolchisi bo‘lish degani. Futbolda ikkinchi marta degani — “bir marta omad” emas, barqarorlikka ishora. Hozirgi jamoada raqobat qattiq ekanini hisobga olsak, bu mukofotning qiymati yanada baland.

Xulosa bitta: agar Husanovga ishonch va daqiqa berilsa, u albatta javob qaytaradi. Endi esa muxlislarning umidi oddiy — shu temp saqlansin, keyingi oylarda ham dunyo arenasida o‘zbek nomi yana ko‘proq eshitilsin.